1939

Timmisartumik saqisoq

Nittartakkatsinni atorfimmut inuttassarsiuineq ikkunneqarpat qinnuteqartoqassaaq, aalajangersimasumik qinnuteqarnissamut piffissaliussaqanngilagut, kisianni allaaviusumik ukiakkut holdit nutaat aallartittarput.

Timmisartumi saqisut ulluinnarni suliassaat ukuupput

Air Greenlandimit timmisartuni saqisutut sulisut tassa ilaasut pitsaanerpaamik kiffartuunnissaat aammalu timmisartumik ingerlaarnermi isumanaatsuunissaq akisussaafigaat.

Ilaasut pitsaanerpaamik isumannaatsuunissaannik isumaginninneq

Imarpik qulaallugu angalanermi aamma nunap iluani angalanerit ilaanni nerisassanik imeruersaatinillu sassaalliineq

Ulloq unnuarlu piffissami sukkulluunniit sulisarnissaq piareersimaffigineqassaaq

Cabin Crew

Ilinniarneq

  • Tunngaviusumik ilinniartitaaneq teoriimik pikkorissarluni atuagarsorneruvoq Kalaallit Nunaanni sap. ak. pingasunik Københavnimilu sap.ak. sisamanik sivisussusilik.Pikkorissarneq angusiffigalugu naammassineqarpat timmisartumi saqisutut (Cabin Crew Member) ilinniarnerup naammassinissaata tungaanut ikorfartuisumit nakkutigineqarluni timminerit aallartissapput.

  • Ilinniagaqarnermi ilaatigut makku pikkorissarfigineqassapput: Ilaasunik pitsaanerpaamik kiffartuussilluni sullissineq, ikuallattoqalerpat/putsumilluunniit malussartoqarnerani iliuusissat sungiusarneri, annaassiniarnissamut sungiusarnerit, ikiueqqaarneq, ilaasunik sullissineq, attaveqaqatigiinnerit, nassatat ulorianartut il.il.

  • Ilinniarnerup ilarujussua tuluttut ingerlanneqartarpoq

Piginnaasaqarfigisassat aamma ilinniarnermut piumasaqaatit

  • Inuttut isikkuminartuuneq takujuminartuunerlu, matumani inussiarnersuuneq saaffigiuminarnerlu. Eqaatsumik suleriuseqarneq aamma inunnik allanik soqutigisaqarluarneq.

  • Ulaperuluffinni paatsiveerutiannginneq eqqissisimasumillu pissuseqarneq, sulianillu assigiinngitsunik ataatsikkut ingerlassisinnaaneq

  • Qinnuteqarfimmi 21-nik ukioqalereersimaneq

  • Atuarfimmi imaluunniit allatut ilinniagaqarnermik naammassinnissimaneq

  • Inuttut tarnikkullu nalinginnaasumik peqqissuuneq (timmisartortartut nakorsaannit uppernarsarneqassaaq)

  • Minnerpaamik 200 meterinik nalussinnaaneq (ilinniarnerup nalaani misilitsittoqassaaq)

  • Pillagaasimannginnermut uppernarsaat

  • Minnerpaamik 160 cm-inik angissuseqarneq tassungalu naleqquttumik oqimaassuseqarneq

Aningaasaqarneq

  • Ilinniarnerup nalaani akissarsifiussooq. 

  • Timmisartuni saqisut maannakkorpiaq angerlarsimaffeqarfigalugiit aallaavigaat illoqarfiit uku: Nuuk, Ilulissat aamma København

Qinnuteqaat

  • Atorfimmut inuttassarsiuineq nittartakkatsigut ikkunneqarpat qinnuteqartoqarsinnaavoq. Aalajangersimasumik qinnuteqarnissamut killiliussaqanngilaq, kisianni aallaavittut holdit nutaat upernaakkut aallartinneqartarput

  • Paasisaqarnerorusukkuit Air Greenland attavigiuk uunga +299 34 34 34 imaluunniit hr@airgreenland.gl