Nunatsinni ilinniagaqassutsip qaffassarnissaanut tunniussaqaqataanissarput takorluukkatsinnut ilaavoq, ilinniartunullu praktikkerfissarsiortunut toqqagassani siullerpaajusarusuppugut, taakku meeqqat atuarfianneeraluarpata sulinermulluunniit allanut ilinniakkanut tunngagaluarpata.

Suliniutit arlallit suliarisarpavut, taakku timmisartuutileqatigiinnerup iluaniinnaanngitsoq, aammali aqutsisunngornissamut imaluunniit piginnaasanik allanik sulisutsinnut ineriartortitsinermut tunngasunik. Sulisutta piginnaasaasa ineriartortittuarnissaat takorluugaavoq, taamaaliornikkut sullitatsinnut pitsaanerpaamik tunniussaqarsinnaaniassagatta aammali piffinni aalajangersimasuni piginnaasanik ineriartortitsinissaq siunertaralugu.

Aqutsisunik ineriartortitsineq

Sulisutsinnut maannakkut sulisunut aqutsisunngorumaartunullu ilinniartitsineq siunertamut pisariaqartoq tunniuttarparput, sulisut pineqartut ungasinngitsumi aqutsisunngorunik pitsaanerpaamik piginnaasaqarnissaat anguniarlugu.

Piginnaasanik ineriartortitsineq

Sulisutsinnut suliffimminnut naleqqulluinnartunut immaqali suliaqarfimmut aalajangersimasumut piginnaasaminnik ineriartortitseqittariaqartunut pikkorissarnerit pisariaqartut tunniuttarpavut. Taakku massakkumut sulisunut sulilertussanullu neqeroorutigineqartarput.

Ilinniartoqarneq

Immikkoortortaqarfinni amerlasuuni ilinniartoqarsinnaaneq neqeroorutaasarpoq, tamannalu Air Greenlandimit toqqaannaq ilinniagaqalersinnaaneq periarfissaalluni.

Ilinniartunut ingerlatassialiornermi qanorluunniit ilinniarnikkut tunuliaquteqaraluaraanni qaffassartoqarsinnaavoq, taamaalillunilu aamma assigiinngissitaarneq annerusoq anguneqarsinnaalluni sumiiffinnit aalajangersimasunit aggersut tassunga aamma ilanngunneqartarmata. Taakkulu ingerlatassiap naammassereernerata kingorna ilinniarnertik namminneq kissaatertik malillugu ingerlassinnaammassuk.

Piukkunnartunik ineriartortitsineq

Ilinniartitaanermut periusissiatsinni piukkunnartunut politikkiliornikuuvugut.

Politikkiliornitsinni atorfinnut pingaaruteqarluinnartunut sulisut piukkunnartut ineriartortinnissaat anguniagarinikuuarput.

Politikkitsinni sumiiffinni piginnaasat ineriartortinneqarnissaat ukkataraarput, sullitanut samminerusoq kiisalu LEAN atorlugu pitsanngorsaariaaseq.

Kalaallinut suliffeqarfinnit ussassaarineq

Kalaallinut suleqarfinnit ussassaarineq ukiumoortumik aaqqissuussaavoq, tassani ilinniartut nunatsinnut attuumassutillit ornigunnikkut ilinniareernerup kingorna imaluunniit inaarutaasumik allaaserinninnissartik pillugu nunatsinnut utilerunik suut periarfissat toqqagassarisinnaanerat eqqartorneqartarpoq.

Nunatsinni suliffeqarfiit anginerit peqataasarput, taakku ilinniartunut isumassarsiorfiussallutik naammassigunillu nunatsinnut utersinnaanissaannut periarfissanik tunioraanissartik ilaanerminni siunnerfigisarpaat.

Inuusuttunut pilerinarnerpaajorusulluta kiisalu amerlanerpaat Danmarkimit nunanillu allanit ilinniarnerup kingorna angerlarsinnaatikkusullugit Kalaallinut suliffeqarfinnit ussassaarinermut ilaasarpugut, taakkunanilu aamma nammineq suleqatigiissitaqarluta.