Kode isissutissaq allanngortiguk
Emailimik allagarsiumaarputit, kode isissutissavit allanngortinnissaanut atungassat.
Emaili nassaarisinnanngilarput
Angalanissat ilannguguk
Inniminniinernut normut arfinilinnik ilisarnaateqarpoq, kisitsisinik naqinnerinnillu imaqarsinnaaluni
Airbus A320neo - Unaaq
Ikinermi Kalaallit Nunaat tikinneqareertarpoq
Atlantikoq ikaarlugu Air Greenlandimut ilaallutit angalagaangavit sumiiffimmiit sumiiffimmut angalanerinnaanngilaq. Apriili qaammat 2027 Unaaq, Airbus A320neo nutaaq Ilulissat Københavnillu akornanni angallassinermi atuutilissaaq. Unaaq-mi kiffartuussinissamut nassuiaat suliarilluagaq, ilorrisimaarnartumik misigereersimasatut toqqissinartumik Atlantikoq ikaarlugu angalanissat anguniarlugu pilersinneqartoq siumussavat. Timmisartup initaani tikilluaqquneqarnermiit nerisanut, kaffimut, aliikkusersuutinullu minnginnermilu sassaallerfigineqarnermut misigisassat; ilorrisimaarneq, pitaassuseq kalaallillu inoroorsaallaqqissusaat qitiutillugit, katitigaapput. Tassani paasisaqarnerulerniarlutit Unaaq-mi angalaarsinnaavutit; timmisartoq, initaa, Ilulissallu Københavnillu akornanni Air Greenlandimut ilaallutit angalaninni misigisassat ilisimasaqarfiginerulerlugit.
Economy Class
Economy Classimi akigissaarnerusumi issiavinni 156-ini ilorrisimaarnatumik angalaneq neqeroorutaavoq, taamaalillutit timmisartornermi angalanerit nuannersumik misigisaqarfigisinnaallugu.
Uani atuaruk
Premium Class
Akisunermi Premium Classimi issiavinni 18-ini nissut siaarnissaannut inissaqarnerusumi, ilorrisimaarnarnerusumi akornusersorneqannginnerullutit eqqissisimanarnerusumik angalasinnaavutit.
Uani atuaruk
Timmisartortitseqatigiiffiuvugut tamakkiisumik kiffartuussisoq
Air Greenland timmisartortitseqatigiiffiuvoq tamatigoortoq, kinguaariinni ilaasunut nunatsinni nunattalu eqqaani angalanissanik isumannaatsunik, tutsuiginartumik ilorrisimaarnartumillu neqeroortoq.
Uani atuaruk
Nerisat imeruersaatillu akeqanngitsut
Imarpik qulaallugu angallavitsinni tamani nerisassanik, piffissamut aallarfiusumut naleqqussakkanik sassaallertarpugut.
Ullaakkut aallarnermi ullaakkorsiutit sassaalliutigineqartarput.
Kingusissukkut aallarnermi iffiat kinguleqqallu sassaalliutigineqartarput.
Premium Class-imi annertusisamik nerisinneqassaatit, sassaallernerit arlaliussallutik.
Nerisassanut immikkut ittunut inniminniissutit Københavnimiit aallarnissaq kingusinnerpaamik nal. ak. 48-t sioqqullugit tiguneqarsimassapput uppernarsarneqarsimassallutillu.
Aliikkutassat
Mobilinni, tablettinni imal. qarasaasianni angallattakkami aliikkusersuinermi silarsuatsinnut toqqaannartumik imminut periarfissigit. Wi-Fi-tsinnut attaviliinnassaatit taava aliikkutassaatigut tamakkerlugit, piumalleruit illit nammineq isiginnaarutikkut isiginnaallugillu misigissavatit.
Nunatsinni filmiliani oqaluttuat pikkunartut misigikkit imaluunnit Hollywoodimi filmiliat nuannersut isiginnaakkit. Nipilersukkanik nunatsinneersunik tusarnaarit imaluunnit tusarnaagassianik (podcasts) pissanganartunik, issittumi kulturimut inuunermullu qaninnerulersitsisunik naalaarit.
Tamakku tamaasa ilorrisimaarutigiitigalugit, Danmarkimiit nunatsinnut angalanerit malinnaaffigeqqissaarsinnaavat.
Upperisatoqaq atsiussinerlu
Timmisartorsuarmi Unaami oqaluttuatoqaq Qullermiut, timmisartup iluani ilusilersuinikkut uummartinneqarporlusooq. Kalaallit upperisatoqaat oqaluttuatoqaallu naapertorlugit Qullermiut tassaapput siuaasat tarninginut, arsarnernut qilaallu tupinnartuinut attuumassuteqartut. Oqaluttuatoqqani angakkut toornaasa nukittunerpaat ilaattut, aammali siooranartutut nassuiarneqarput. Arsarnerit qilammi maligaasiortutut aalataalersarnerat Qullermiut aarrup niaquanik arsalerlutik ullorissat akornanni arsaannerattut isumaqarfigineqarpoq.
Ammasumik unammisitsinikkut, inuiaqatigiinni kikkut tamarmik siunnersuuteqarfigisinnaasaanni oqaluttuassartaanillu ilanngussivigisinnaasaanni ateq Unaaq toqqarneqarpoq.
Unaaq tassaavoq siumut aallartitsisoq norsamik tuukkamut atassusiisoq. Tassalu attavik norsarmik aallartitsisoq tuukkamillu piniakkamik eqquisitsisoq.
Ateq kulturitsinni oqaluttuarisaanitsinnillu sorlaqarfilik– ingerlatseqqinnissatsinnullu nukissalik.
Air Greenlandimut ilaanermi kiffartuussinerit misigisassat
Air Greenlandip Imarpik qulaallugu timmisartuussinerni kiffartuussineri angalaneq ilorrisimaarnarnerutinniarlugu, ilisarnartuutinniarlugu toqqissisimanartuutinniarlugulu pilersitaapput. Nalunngilarput Kalaallit Nunaata Danmarkillu akornanni angalanerit akuttunngitsumik immikkuullarissuusartut. Misigisassarsiornissamut aallarniutaasinnaapput, ilaquttanik takunneqqiffiusinnaapput, sulinermut pingaarutilimmik angalanerusinnaapput angerlarnerusinnaallutilluunniit.
Taamaattumik timmisartumi kiffartuunneqarneq nerisassanut, imeruersaatinut aliikkutassanullu tunngasuinnaanngilaq.
Qanilaartumik, pitsaasumik angallavimmullu timmisartuussiffigisatsinnut ataqqinniffiusumik misigisaqartitsilluarnissaq matumani pineqarpoq. Air Greenlandimi Kalaallit Nunaat ikinermi misigineqalereertarpoq.
