Sermersuaq

Sermersuaq ukiunik tuusintilippassuarnik pisoqaassusilik annertuumik pissaaneqarlunilu tiguartinnarpoq. Nunarsuup avannaatungaani sermit nunamik qalliisut annersaata sermitaanik takornarnissat qilanaarilereersinnaavat.

Sermersuaq immikkorluinnaq kajungernassusilik

Pinngortitamik pingaartitsillutik nuannarinnittullu sermersuaq Kalaallit Nunaanik 81%-mik qalliinikoq qanillerusullugu nunatsinnukartuartarput. Tassaniippummi nukiit annertussutsimikkut ilutsimikkullu paasissaanngingajattut. Sermersuarmimi qeqartilluni aatsaat qaqqorissup qanoq allanngorartigisinnaanera misigineqartarpoq. Seqernullu qinngornerisa sermeq tungujuaartumik qorsummilu qalipaasersortarpaa. Sermersuarmik tikitseqqaarneq attortinnarlunilu tupinnaannartoq puigunnaalluinartuuvoq.

Sermersuaq suua?

Sermersuaq Kalaallit Nunaannik qalliisoq ukiut 2-3 millionit matuma siorna pinngorpoq. Angissutsimigut taamaallaat sikuijuitsup kujalliup sermianit qaangerneqarluni nunarsuarmi sermit annersaannut tulliuvoq. Sermersuaq annertungaarami nunatta 80%-a qalleqqavaa, nunatsinnilu pinngortitamut kulturimullu attuumassuteqarluarami takornariarumaneqartaqaaq.

 

Nunatsinni sermersuaq sermersuarmik misigisassarsiorfiit immikkuullarissut ilagaat Kalaallit Nunanni sumiiffinni arlalinni sermersuarmi angalaarnissamut periarfissaqarpoq, qimusserfigalugu imaluunniit qulimiguulimmiit qulaaniit qimerloorlugu. Periarfissat amerlaqaat, nunarsuarmilu pinngortitap tupinnartuinik qanoq misigisaqarnissat illit nammineq aalajangissavat.

Ungasikkaluaqaluni qanittuusivoq

Tupinnanngitsumillu eqqarsaatit sermersuartulli siamasitsigilersinnaapput, kangianiit kitaanut aamma avannaaniit kujammut qanormita isorartussuseqarpa?

Qulimiguulimmit isigalugu alimasissuseq taassaanngingajappoq. Umiatsiamik nunakkoorutinillu kamippassualerluni piffinni arlaqartuni sikup sinaa tikinneqarsinnaavoq.

 

Sermersuaq Kangerlussuarmit 25 km-nik ungasissuseqarpoq, cykilinillu nunakkoorutinik, pisuinnarluunniit imaluunniit sisamanik assakaasullit nunaannakkoorutit, off-roader-it, atorlugit tikinneqarsinnaavoq. Off-roaderinut ilaallutit Kangerlussuarmiit Russelip sermia, sermiinnarmik 60 meterinik portutigisumik innarsualik takornariaruk.

 

Aasaaneranilu takornariassaguit imaassinnaavoq sermip taassuma iigarnera aamma misigigit. Immaqa aamma silarsuarmi qanoq mikitigineq aammalu nipaalluinnartumi unnuineq misigerusukkussiuk, sermersuarmut ullut marluk angalaarneq, tupermi unnuinertalik, misilikkusussavarsi.

Aamma Ilulissat sermersuarmut qanillinissamut periarfissaqarpoq. Immikkut ilisimasalinnik angallassisoqarlutit World of Greenland atorlugu Glacier Lodge Eqi-mut ulluni marluni angalaarneq misigiuk. Issittumi ilisimasassarsiortup Paul-Emile Victor-ip aqqutaa atorlugu sermersuarmut qaqissaagut, tassanilu erngup sermimit aattup tungujuaarluni sermersuakkut ingerlaarnera takusassat ilagaat.

ILISIMAVIUK?


Sermersuup sermit iigartartut pilersitai nunarsuup nutsuineranit nunap sineriaanut ajattarneqartarput. Sermerlu aserorluni iluliarsuanngortarpoq.
Sermersuup sinaa qattunertarasaarpoq, qunneqartiterluni, sermimit pinngortunik taseqarluni kooqarlunilu.
Sermip pisoqaassusaa assigiinngilaq, sermip sinaa ukiunik 500-niit 1000-t tungaanut pisoqaatigaaq. Sermillu naqqa ukiunik 250.000-nik pisoqaassusilik paasineqarsimavoq.
Sermersuaq tamarmi aattuuppat, nunarsuarmi imartat meterinik arfinilinniit arfineq marlunnut qaffassaaq – tamannalu eqqariarnarpoq!
Angalaarnerit tamangajammik sermimik sikumilluunniit siumuiffiusarput. World Of Greenland i Ilulissat sermersuup tungaanut, eqqaanut aammalu qaavanut, assigiinngitsumik sivisussusilinnik angallassisarpoq.

Saqqaanut uterit

Angalanissat inniminneruk

Misigisassat inniminneruk uani:

Albatros Touring Bus. Photo Aningaaq R. Carlsen, Visit Greenland

Albatros Arctic Circle

Albatros Arctic Circle sumiiffimmi tunngaveqarluni piginneqatigiiffiuvoq, taanna Kangerlussuarmi Sisimiunilu angalaarnernik aaqqissuusisarpoq.

Angalaarnerit allattorsimaffianni takisuumi allassimapput sermersuaq, umimmaat, nunaqarfiit inuerussimasut, qimusserneq, piffissamut qangamut pisuttuarnerit allarpassuillu.

Greenland Travel

Greenland Travel

Greenland Travel avatangiisini toqqissisimanartuni feriarluni angalanernik asseqanngitsunik misigisassarsiorfissanik neqerooruteqarpoq. Angalatitsivik Kalaallit Nunaanni takornarialerinermik ineriartortitsinermi siuttuuvoq – aamma Kalaallit Nunaannni angalatitsivittut inuussutissarsiutillit annerpaartaraat.

Kalaallit Nunaanni misigisassat allat

Allaanerulluinnartunik misigisassanut tikilluarit. Sumi allami aput, siku, qaqqat, imaq arferillu narsaatit qorsuusut naatsiianik naatitsiffiusut qanittuaniippat? Nutaanik pissanganartunik misigisassarsiorit uani.