Kangerlussuaq

Kangerlussuaq, qallunaatut Søndre Strømfjord, mittarfeqarfiinnaanngilaq. Kalaallit Nunaanut iserterfiuvoq. Timmisartumiik niunerniik pinngortitaq saarniilereerpoq. Kangerlussuaq nunaqarfiuvoq sermersuup iigartaanut qaninnerpaaq.

Nunaqarfik Kalaallit Nunaata qeqqaniippoq. Taanna timmisartut nunarsuarmit allameersut mittarfigaat Kangerlussuarmiillu timmisartut minnerit igutsattut nipiliorlutik inunnik nassiussanillu illoqarfinniit illoqarfinnut assartuisarput.

Kangerlussuarmi misigisassat

Kangerlussuaq mittarfeqarfiinnanngilaq. Timmisartumiik niunerniik pinngortitaq saarniilereerpoq. Sermersuup iigartaanut qanillinissaq ajornannginneruvoq. Ukiumut ullut 300 sinnerlugit allaaqqittarmat arsarnerit misiginissaanut tulluarnerpaavoq.

 

Sakkutooqarfimmiit nunaqarfimmut
Kangerlussuaq 1941-mi amerikarmiut timmisartortartuinut sakkutooqarfittut pilersinneqarpoq. Ullumikkut mittarfiuvoq ulapaarfiusoq nunaqarfiullunilu eqeersimaarfik pingortitamullu qanittoq.

 

Sermersuaq 25 km-iinnarnik ungasissuseqarpoq
Uummaarissuuisi, qasujaappisi pinngortitamillu nuannarinnittuuisi? Pisuttuaritsi imal. cykilit qaqqasiutit atorlugu angalaaritsi. Nammattagaq cykilillu pooqattaa tupermik taquassanillu immerlugu sermersuup tungaanut ingerlaaritsi. Killinganut pilluni sermersuaq annertoqisoq qaqqorilluni tungujornersaqarluni qorsuttaqarlunilu alanngialasoq takullugu, oqaluttualiatut misinnarpoq. Sermip iigarfia qutaarluusoq sermip aannersaanik qorsorpaluttunik tasinnguunnilik tarnimut katsorsaataavoq. Qaarpallattarnerit sermit nakkaasut, ataqqinnippalussuseqarluni nipaallisimanermik kipisitsisut, immaqa misigisinnaajumaarpasi.

Qanorluunniit pisoqaraluarpat; qanillivallaarniaqinasi! Sermersuaq nammineq inuuneqarpoq. Sermersuaq qaqillugu killingusaap tungaanut isiginnaarusukussi, nalunaaqutsersukkat aqqusaarlugit ingerlassaasi. Ilorrisimmaalaarusukkussi sermersuup tungaanut biilinik qaqqasiutinillu ingerlassisoqartarpoq.

Kangerlussuarmi takornariartitsisartut:

Visit Greenland
Albatros - Arctic Circle
Guide To Greenland
Tours by Locals

 

Umimmaat, tuttut teriannissallu

Kangerlussuup silaa peqqarniitsuunngilaq, naggorinneralu umimmaat tuttullu iluarusuutigaat. Biilimut bussimulluunniit ilaallutit uumasut meqqullit nunamut tulluussakkatut ittut qanillillugit isiginnaakkit.

Nunarsuarmi umimmaqatigiit amerlanersaasa ilaat Kangerlussuup eqqaaniipput. Uumasut taakku nassorujussuallit takisuunillu Meqqulerujussuit kigaallutillu ilakkuminarpasissutt. Paatsoorniaqinalli! 30-40 meterit missaannik pallinnaveersaakkit, nersutimmi arlaat sioorasaarneqartutut misigisoq, eqaaqaluni sukkaqalunilu timini 300-400 kiilullu akornanni oqimaassuseqaraluaq pangaleriataalersinnaasarpoq.

 

Ullut marlussuit manna najoruk

Tamaani arlalinnik tarajulinnik taseqarpoq. Taakkulu annersaat radareqarfiup Tacan-ip kujataata kitaatungaaniittoq aqqusaarniariuk. Ernga imerneqarsinnaavoq mineralvanditullu puaasaliunngitsutut mamassuseqarluni.

 

Greenland by Topas

Greenland by Topas Air Greenlandip suleqatigaa, Kangerlussuarmilu angallasinernik arlalinnik neqerooruteqarlutik. Angalanerup siunertariguniuk ataatsimiinneq ataatsimiitarfinnik iluartunik aamma peqarpoq.

Kangerlussuarmi misigisassat

Allaanerulluinnartunik misigisassanut tikilluarit. Nutaanik pissanganartunik misigisassarsiorit uani.

ILISIMAVIUK


Sermersuaq Kangerlussuarmiit tikikkuminarnerusoq. Sermip killinganut qanittumiittutit, sermersuup tungaanut angallanneqarsinnaasutit pisussinnaasutit piumaguillu aamma qaqiffigisinnaagit,
Nunatta Angalatitsivia ass. Qeqertarsuup tunuani Ilulissiarnermut, Nuuliarnermut imal. Sisimiuliarnermut atatillugu Kangerlussuamut akunniffilinnik angalatitsisartoq.
Kangerlussuaq tassaasoq takornariartaammut M/S Fram-imut ilaanianut takornariareerlutillu utilersunut akunniffiusartoq,
Ujaqqanik erlinnartuutissassinnik angerlaassisinnaasusi. Ujaqqanut kaataq atorlugu Qaarsorsuarmit peersillusi igalaassi saaniititassassinnik angerlaassisinnaasusi.

PAASISSUTISSAT


Kalaallit Nunaannut isaarissat pingaarnersaat

Qallunaatut Søndre Strømfjord-imik taaneqartarpoq

Inuttussusaa: 550

Tunngavilerneqartoq: 1941

Puppies Lying Down In Field, Kulusuk. Photo Aningaaq Rosing Carlsen Visit Greenland

Tikiffissat allat

Nunarput tupinnartunik, kusanartunik alutornartunillu ulikkaarpoq. Tikiffissat tullia uani nassaariguk.

Angalaninni SULUK atuagassiallu assigiinngitsut akeqanngitsumik atuakkit

Ikissutissaq app-ikkut pissarsiariuk

Makitassanik katersigit eqquillutillu