Ilulissanut angalagit

Ilulissanut angalagit, misigisassarsiorlutillu. Ilulissat pinnissusaat timimut tarnimullu sunniuttarpoq. Avannaani kulturikkut, angallannikkut ingerlatsinikkullu qitiusumik inissisimasoq, eqeersimaarfiusoq, kajungernartoq, ileqqutoqqanik attassisoq nutaaliorfiusorlu.

 

Tamannalu pinngortitami angalatoorsuarnik allaat tupigutsatitsisinnaavoq. Kangiata sermia iigartartoq tamatumunnga patsisaasut ilagaat.

 

Tassannga ukiut tamaasa ilulissat 35 kubikkilometerinik annertussusillit, pinngortitamit namminermit ilusilersukkat, minnerit, akunnattut, annerillu- allaallu 100 meterit pallillugit portussusillit- kangerlummut aniatinneqartarput. Kigaatsumik kangerluup paavanut ingerlaartarput sangoriarlutillu imaanut naggataamik ingerlaafissaminnut aallartarlutik.

 

Ilulissanut angalagit Air Greenland aqqutigalugu. Ilulissanut kalaallit nunaat tamakkerlugulu angallassinissamut neqeroorutiqarpugut.

Ilulissanut angalagit misigisassarsiorlutit

Ilulissanut angalagit puigunaatsumillu misigisaqarlutit. Kangerluup eqqaani iluliarsuit ingerlaartut isiginnaarlugit inuunermut oqilisaasarput. Kangerluk peqqutissaqarluarluni UNESCOp nunarsuarmioqatigiit kingornutassaanik toqqangaanikuuvoq.

 

Illoqarfiup qaamarna
Ilulissat iluliarpassuaqarfiunini illoqarfittut ateqaatigaa - sikut, ilulissat kangerlullu illoqarfiup ilisarnaatigai. Qaqqorissut tupinnaannartumik annertuut immikkut ittumik puigugassarinngisassinnillu qaamaneqalersitsipput. Illoqarfik alianaallunilu pisoqarfiuvoq. Katersugaasiviit, umiarsualivimmi avatangiisit, oqaluffik illoqarfimmi inuuneq kaffisorniartarfik, neriniartarfiit diskotekilu- rytmilimmik timigissarumasuni.

Ilulissanut angalassaguit qaqugukkut tikissanerlugu apeqqutaavoq, aasakkut ukiukkullunniit. Ilulissat aasakkut unnuap qeqqariartornerani kajartornissamut periarfissaavoq, aamma arfernik takornarianeq pisuttuarnerluunniit. Ukiukkut ilulissani qimusserneq misigisassaavoq. iluatsitsiguillu arsanerit takusinnaavatit.

Nunaqarfiusimasumut Sermermiunut pisuttuarneq Knud Rasmussenillu eqqaassutissaanut unnukkut pisuttuarneq innersuussutigaaguttaaq. Tassanngaanniit kusanarluinnartumik kangerliumanermut Qeqertarsuup tungaanut 75 km-isut isorartutigisumut isikkiveqarpoq. Sila ersaritsillugu seqernup tarrilernera nalissaqanngitsoq ilanngullugu misigisinnaassavarsi.

Issittumi ilisimassassarsiortoq Knud Rasmussen Ilulissani inunngorpoq tassanilu alliartorluni. Knud Rasmussen pillugu saqqummersitat alakkakkit, ilisimasassarsiornerillu navianartorsiorfiusartut ilisarnaataat sapiissuseqarneq piumassuseqarnerlu malussarfigikkit.

 

Qimmit qamutillu

Qimmit qiluppalullu Ilulissaniinnermi nipisiassanut ilaapput. Aasami qimmit ukiorluni apilluni issillualernissaanut ulapaalernissamullu nukissaminnik katersisutullusooq uninnggaartarput. Taamaasigaangat qimmit qimussersiminnik piniariartarfiliaassinissamut imal. tikeraanik Ilulissat illoqarfiannik sammivinnit tamaniit takunninnianik nal. ak. marlunni, ulloq naallugu imal. ulluni arlalinni ilisimasassarsiornianik angallassinissamminnut pissatsittarput.

 

Unnuisarfiit allanartut
Kalaallit Nunaat allaanerusumik misigisaqarfigiuk pinngortitami unnuisarfinnik allanartunik unnuillutit. Unnuisarfiit marluk Ilulissat eqqaaniipput, asseqanngitsumik misigisassallit. Glacier Lodge Eqi Ilulissat avannaata tungaaniipoq, Ilimanaq lodge ilulissat kujataata tungaaniilluni. Ukiukkut misilittagaqarnerorusukkuit Igloo Lodge illinnuut tulluarneruvoq, misigiullu avatangiiseq nipaattoq, eqqisisimasorlu asarnerit ataanni.

Ilulissani misigisassat

Allaanerulluinnartunik misigisassanut tikilluarit. Sumi allami aput, siku, qaqqat, imaq arferillu narsaatit qorsuusut naatsiianik naatitsiffiusut qanittuaniippat? Nutaanik pissanganartunik misigisassarsiorit uani.

ILISIMAVIUK?


Ilulissat illoqarfiat Kalaallit Nunaanni takornariartitsinermi qitiusumik inissisimasoq umiarsuarsuillu takornariartaatit taliffigissallugu kajungerigaat

Air Greenlandip suleqataa Greenland Travel angalanissanik assigiinngitsunik arlalissuarnik neqerooruteqartoq

Ilulissat kangerluanni sermeq iigartartoq qulaallugu qulimiguulimmik angalaneq, seqernup kaaviinnalernerani unnuami immakkut angallammik angalaneq Eqimilu iigartartumik sermilimmi illuaqami unnuineq aasaanerani alianaannerpaanut ilaasut

Akunnittarfik pitsaassusaa sisamanik ullorialigaq Hotel Arctic Ilulissani - ataatsimeersuartitsinissamilu periarfissanut immikkut ullorialigaq – nunarsuarlu tamakkerlugu politikerinit-, niuertunit-, ilisimatusartunillu naapeqatigiiffittut iluarineqartoq

Schweizimio illussanik titartaasartoq tusaamasaq Peter Zumthor Ilulissat kangerluani takornariarfissamik titartaalluni unammisitsinermi ajugaasuusoq
Nakkaavimmik oqaluttuatoqqat naapertorlugit pissaaleqinerup nalaani utoqqaat ilaqutariinnut artukkiiumanatik qunnermut imminnut igittarsimasut

PAASISSUTISSAT


Kalaallit Nunaanni illoqarfiit annerit: pingajuat

Qallunaatut Jakobshavn-imik taaneqartarpoq

Inuttaassusaa 4.700

Tunngavilerneqartoq: 1741

Sisamanik nunaqarfeqarpoq

Diskomi illoqarfik annersaat

Hikers At The Ilulissat Icefjord. Photo Aningaaq R Carlsen Visit Greenland (2)

Tikiffissat allat

Nunarput tupinnartunik, kusanartunik alutornartunillu ulikkaarpoq. Tikiffissat tullia uani nassaariguk.

Angalaninni SULUK atuagassiallu assigiinngitsut akeqanngitsumik atuakkit

Ikissutissaq app-ikkut pissarsiariuk

Makitassanik katersigit eqquillutillu